د باميانو د ملي راډيو تلويزيون تخنيکي سټوډيو او امريت ودانۍ ورغول شوه
ښار جوړولو او ځمکو وزارت د باميان ولايت ملي راډيو تلويزيون د تخنيکي سټوډيو او امريت ودانۍ جوړه کړه او ګټې اخېستنې ته يې وسپارله.
دا ودانۍ په ۴۴۹ متر مربع ځمکه کې په دوه پوړيز ډول د ښار جوړولو او ځمکو وزارت له انکشافي بوديجې څخه په ۱۳ ميلیونه ۶۰۶ زره افغانۍ جوړه شوې ده.
ښار جوړولو او ځمکو وزارت د ټولګټو تاسيساتو په جوړولو سره د هېواد په مرکز او بېلابېلو ولسواليو کې ځايي حکومتولي غښتلې کړې او له دې لارې د خلکو او دولت تر منځ شته واټن هم لهمنځه تللی.
