دایکنډي ولایت کې د دوه رغنیزو پروژو چارې دوام لري
ښارجوړولو او ځمکو وزارت د دایکندي ولایت په مرکز میش علیار کلي کې د میش علیا ۱۶ صنفي ښوونځي رغنیزې چارې ۴۷ سلنه او همداراز د دې ولایت په میرامور ولسوالۍ په جوز کلي کې د CHC روغتیايي مرکز رغنیزې چارې ۶۵ سلنه بشپړې کړي دي.
د علیا ۱۶ صنفي ښوونځی په ۲۹۹ متر مربع ځمکه کې په دوه پوړونو د ۲۲ میلیونه او ۱۰۰ زره افغانیو په ارزښت د ښارجوړولو او ځمکو وزارت له پراختیايي بودیجې او د CHC روغتیايي مرکز په ۵۲۰ متر مربع ځمکه کې په یو پوړ د ۱۸ میلیونه او ۹۰۰ زره افغانیو په ارزښت د عامې روغتیا وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
