خوست کې څه باندې ۱۴۱ زره جریبه څړځایونه سروې شول
ښارجوړولو او ځمکو وزارت د څړځایونو سروې، نښه کولو او ثبت په لړ کې د خوست ولایت په مربوطاتو کې په 57 قطعو کې 141 زره او 168 جریبه څړځایونه سروې او ثبت کړي دي.
یاد وزارت د څړځایونو سروې، نښه کولو او ثبت له پیل څخه تر دې دمه د هېواد په ۲۸ ولایتونو کې ۵ میلیونه او ۵۲۲ زره او ۴۱۱ جریبه څړځایونه سروې او ثبت کړي دي.
ښارجوړولو او ځمکو وزارت د هېواد په کچه د څړ ځایونو سروې، نښه کولو او ثبت سره د څړځایونو څخه معقولې او ګټورې استفادې او همدرازا د مالدارۍ ودې، اقتصادي ځان بسیاینې او خلکو ته د کاري زمینې برابرولو په موخه سروې او د دولتي او عامه ځمکو بانک کې یې ثبتوي.
