خوست ولايت کې له ۱۵۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت د دولتي ځمکو د سروې او ثبت پروګرام له پيل راهيسې تر اوسه ۱۵۴۵۹۳،۵ جريبه ځمکه او دولتي املاک په خوست ولايت کې سروې او ثبت کړي دي.
له دې ډلې څخه په ۶۳ قطعو کې ۱۴۳۲۵۶ جريبه سپينه دولتي ځمکه او په ۱۷۱ قطعو کې ۱۱۳۳۷،۵ جريبه د دولت تر استفادې لاندې عامه ملکيتونه دي چې د خوست په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ۲۸ ولايتونو کې په ۵۲۹۲ قطعو کې ۴ ميلیونه ۵۶۹ زره او ۱۰۲ جريبه ځمکه او دولتي املاک سروې، نقشه او ثبت کړي دي.
