تخار کې د حضرت عبدالله ښوونځي رغنیزې چارې له ۲۰ سلنې واوښتې
ښارجوړولو او ځمکو وزارت په تخار ولایت کې د حضرت عبدالله منځني ښوونځي رغنیزې چارې ۲۹ سلنه بشپړې کړي او د روان کال تر پایه پورې به ګټې اخیستنې ته وسپارل شي.
دا ۱۰ صنفي ښوونځی د تخار ولایت د رستاق ولسوالۍ په کیوان کلي کې په ۸۳۳ متر مربع ځمکه کې په دوه پوړونو د ۲۴ میلیونه او ۷۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د دې پروژې له تطبیق سره به په رستاق ولسوالۍ کې زده کوونکو او ښوونکو ته د تدریس او زده کړې مناسبه زمینه برابره شي او همداراز یو شمېر نورې کورنۍ به هم دېته وهڅیږي چې خپل بچیان ښوونځي ته ولیږي.
###
