بلخ کې ۱۰۰ جريبه غصب شوې ځمکه استرداد شوه
دا ټوټه ځمکه د بلخ ولايت د کلدار ولسوالۍ په خواجه کلداري ولسوالۍ کې له څو کلونو راهيسې د ځايي زورواکو تر شخصي استفادې لاندې وه چې اوس د ښار جوړولو او ځمکو وزارت په زيار ترې د مناسبې استفادې لپاره زمينه برابره شوه.
ښار جوړولو او ځمکو وزارت په بلخ ولايت کې د ۱۸۰ زره غصب شوې ځمکې له ډلې ۸۰ زره استرداد کړې او د نورې ځمکې د خلاصون لپاره يې هم هڅې پيل کړي دي.
ښار جوړولو او ځمکو وزارت په ټول هېواد کې د غاصبينو پر وړاندې د مبارزې په لړ کې تر اوسه ۵۰۰ زره جريبه ځمکه د غاصبينو له منګولو خلاصه کړې او ورسره جوخت يې ۱۸۸۲۳ غاصبين په ګوته کړي چې له ډلې يې ۱۵۸۲۳ تنه د جمهوري رياست عالي مقام او عدليي او قضايي ارګانونو ته ورپېژندلي دي.
