بدخشان ولایت کې په شنه ساحه کې له جوړېدونکې ودانۍ د مخنیوي هڅې
۱۴۴۶/۰۷/۰۴
بدخشان ولایت کې د کور او ښار جوړولو ریاست محترم رئیس مولوي ولي الله اللهي وایي، د دغه ولایت په شهر جدید کې د ټولګتو چارو محترم ریاست ته څېرمه د یو څلور پوړیزې ودانۍ له چارو د مخنیوي هڅه وکړه، چې د پلان خلاف جوړېږي.
ښاغلی مولوي ولي الله اللهي وایي، یاده څلور پوړیزه ودانۍ په خپل سر په شنه ساحه کې او د ویزه شوې نقشې پرته جوړېږي، چې څو ځله یې دوی نورو اړوندو ادارو ته په تړاو خبر ورکړی او مکتوبونه یې ور استولي، خو مخنیوی یې نه دی کړی.
نوموړی وایي، اوس اړ شو چې خپله د یادې ودانۍ مالک ور وغواړي د پلان او ساحې په اړه معلومات ورکړي او د چارو له پرمختګ یې منع کړي.
د کور او ښار جوړولو وزارت په ساحه کې د غیر پلاني او غیر قانوني کړنو په تړاو اړوندو ادارو ته خبر ورکوي، څو یې هغوی مخنیوی وکړي.
