اندخوی ښار ته د ورننوتلو دروازې د جوړولو پروژې له چارو تخنیکي څارنه ترسره شوه
۱۴۴۷/۹/۲۰
فاریاب ولایت کې د کور او ښار جوړولو محترم ریاست اړوند تخنیکي او مسلکي ټیم له لوري، د اندخوی ښار ته د ورننوتلو دروازې د جوړولو پروژې له چارو تخنیکي څارنه وکړه.
دغه څارنه د کور او ښار جوړولو وزارت، له ښاري سرغړونو د مخنیوي او د انکشافي پروژو پر تطبیق د څار محترم عمومي ریاست په همغږۍ ترسره شوه.
د ریاست اړوند تخنیکي ټیم په یاده دروازه کې د قالب تړلو له روان بهیر څخه لیدنه او څارنه وکړه.
د څارنې پر مهال څرګنده شوه چې د پروژې چارې د منظور شوې نقشې او انجنيرۍ معیارونو سره سمې پر مخ روانې دي.
دغه مسلکي ټیم، د کار د کیفیت ارزونه وکړه او ټینګار یې وکړ چې پاتې چارې دې هم د تخنیکي مشخصاتو او ټاکل شویو معیارونو مطابق بشپړې شي.
دغه راز یې، قراردادي شرکت ته لازمې سپارښتنې وکړې، څو پروژه په ټاکلي وخت معیاري ډول او د لوړ کیفیت په رعایتولو سره پای ته ورسوي.
یاده پروژه د اندخوی ښار د ښکلا، ښاري نظم او زیربنایي پراختیا په موخه پلي کېږي، چې په بشپړېدو سره به د ښار عمومي بڼه لا ښکلې او منظمه شي.
