په کاپیسا کې څلور جریبه ځمکه ولېږدول شوه
ښار جوړولو او ځمکو وزارت متقاضي ادارو ته د دولتي ځمکو د لېږدل پر مهال، د کاپیسا ولایت تګاب ولسوالۍ کې ۴ جریبه دولتي ځمکه پوهنې وزارت ته ولېږدوله.
یاده ځمکه د یو باب دینې مدرسې جوړولو په موخه لېږدول شوې ده.
د دې پروژې په بشپړېدو سره به سیمهییزه حکومتوالي پیاوړې، عامه خدماتو ته د خلکو لاسرسی اسانه او د دې ولایت اوسېدونکو ته کاري زمینه برابره شي او ښار جوړولو او ځمکو وزارت په هېواد کې متقاضي ادارو ته د دولتي ځمکو په لېږد سره، د پرمختیايي او ټولګټو پروژو پلي کېدو ته زمینه برابره کړې ده.
