دايکنډي ولايت کې ۶۹ جريبه ځمکه استرداد شوه
د ښار جوړولو او ځمکو وزارت د دولتي ځمکو د استرداد په لړ کې دا ځل د دايکنډي ولايت په مرکز نيلي ښار کې يو جريب ځمکه له غاصبينو خلاصه کړه چې له دې سره په دايکنډي ولايت کې په ټوليز ډول ۶۹ جريبه ځمکه استرداد شوه.
یاده يو جريب ځمکه له څو کلونو راهېسې د نيلي ښار په جرف حومه سيمه کې د غاصبينو تر شخصي استفادې لاندې وه، خو د ښار جوړولو او ځمکو وزارت په زيار تر استرداد وروسته ترې د موثرې او معقولې استفادې لپاره زمينه برابره شوه
ښار جوړولو او ځمکو وزارت په پام کې لري چې د ۲۰۲۰ ميلادي کال تر پايه د کابل، مزار شريف، هرات، کندهار، جلالاباد، فراه، باميان او نيلي ښارونو غیر رسمي سیمو کې جوړو شويو ۵۰۰ کورونو ته د ملکيت سندونه وويشي.
