د دوشي – باميان د ۲۲۰ کيلو ولټه وارداتي برېښنا د لېږد لپاره د پايو د نصب شاوخوا ۲۰۰ محلونو د مالکيت حق تثبيت شوی
ښار جوړولو او ځمکو وزارت تر اوسه د دوشي – باميان د ۲۲۰ کيلو ولټه وارداتي برېښنا د ۲۱۱ پايو د نصب محلونو د مالکيت حق د تثبيت او ارزښت ټاکنې چارې بشپړې کړې.
له دې ډلې څخه ۱۹۸ محلونه په دولتي او ۱۳ نور يې په شخصي ځمکه کې تثبيت شوي. ښار جوړولو او ځمکو وزارت په بغلان کې د دوشي ـ باميان د ۲۲۰ کيلو ولټه برېښنا د مسير جايدادونو د مالکيت حق د تثبيت چارې بشپړې کړي او دا لړۍ د باميان په مربوطاتو کې هم په چټکۍ سره پرمخ روانه ده.
