په سمنګان ولایت کې د مهاجرینو ښارګوټي د سړکونو هوارولو له چارو څخه څارنه وشوه
۱۴۴۸/۳/۲۵
د سمنګان ولایت د کور او ښار جوړولو ریاست اړوند مسؤلینو د مهاجرینو ښارګوټي د سړکونو د هوارولو او سړک جوړولو له روان بهیر څخه څارنه وکړه.
د سمنګان ولایت د مهاجرینو په ښارګوټي کې د سړکونو د هوارولو او سړک جوړولو چارې د منظور شوي تفصیلي پلان له مخې په منظم ډول روانې دي.
تر دې مهاله د ښارګوټي نږدې ۴۰ سلنه سړکونه هوار او د سړک جوړولو اړوند چارې پرې ترسره شوې دي، چې د ښارګوټي د بنسټیزو تاسیساتو د پراختیا په برخه کې مهم ګام بلل کېږي.
د یادونې وړ ده چې تر اوسه په دغه ښارګوټي کې د ۱۸۰۰ مهاجرو کورنیو لپاره د استوګنې ځمکې وېشل شوې او هغوی ته سپارل شوې دي.
