په هرات ولایت کې د جامع جومات د ترمیماتي چارو او د زبیده باغ د حوض د وضعیت ارزونه ترسره شوه
۱۴۴۷/۱۲/۱۸
د کور او ښار جوړولو وزارت د تخنیکي ټیم له لوري، د هرات ښار د ستر جامع جومات د ترمیماتي چارو او د زبیده باغ د تاریخي حوض د وضعیت ارزونه او څارنه ترسره شوه.
د څارنې پر مهال د هرات د ستر جامع جومات د ترمیماتي چارو روان وضعیت وارزول شو او د پروژې د پرمختګ، کیفیت او تطبیق بهیر له نږدې وڅارل شو.
همدارنګه، د هرات ښار د اوومې ناحیې اړوند د زبیده باغ د تاریخي حوض د وضعیت د تخنیکي ارزونې په موخه له یاد ځای څخه لیدنه ترسره شوه او د یاد اثر اوسنی وضعیت وڅېړل شو.
د تخنیکي ټیم له لوري د تاریخي او عامه تاسیساتو د ساتنې او معیاري بیارغونې پر اهمیت ټینګار وشو او اړوند مسؤلینو ته لازمې سپارښتنې وړاندې شوې، ترڅو د رغنیزو او ساتنیزو چارو کیفیت او اغېزمنتیا لا نوره هم پیاوړې شي.
