د خوست ولایت د هوايي ډګر د ورزشي لوبغالي له پروژې څخه تخنیکي نظارت ترسره شو
۱۴۴۷/۱۱/۱۳
د خوست ولایت د کور او ښار جوړولو ریاست اړوند تخنیکي او انجینري ټیم له لوري، د هوايي ډګر د ورزشي لوبغالي له روانو ودانیزو چارو څخه ساحوي نظارت ترسره شو، چې په ترڅ کې یې د سنګکار چارې تر اجرا لاندې وې.
د نظارت پر مهال د قراردادي شرکت انجنیر ته لازمې تخنیکي سپارښتنې وشوې، څو ټولې چارې د منظور شوې نقشې مطابق په معیاري ډول ترسره شي.
همداراز په سنګکارۍ کې د تیږو ترمنځ د مسالې مناسب بافت، د مارک مطابق تطبیق، د کیورنګ اصول او نور اړوند تخنیکي معیارونه په جدي ډول د رعایت لاندې ونیسي، ترڅو د کار کیفیت لوړ او معیاري پاتې شي.
د یادې پروژې ټولې چارې د خوست ولایت د کور او ښار جوړولو ریاست د نظارت او مراقبت انجینري ټیم تر جدي او دوامداره څارنې لاندې پر مخ وړل کېږي او تر دې مهاله یې د کیفیت او پرمختګ کچه د قناعت وړ ده.
