ننګرهار کې د هډې فارم مکروریان ښارګوټي تخنیکي ارزونه روانه ده
۱۴۴۷/۱۱/۱۲
د کور او ښار جوړولو وزارت د محترم وزیر الحاج مولوي نجیب الله حیات حقاني د هدایت له مخې، یو تخنیکي هیأت ننګرهار ولایت ته سفر کړی دی.
یاد تخنیکي هیأت په ننګرهار کې د هډې فارم مکروریان استوګنیز ښارګوټي د وضعیت ارزونه ترسره کوي.
د هیأت مشر انجنیر محمود جان دوست وویل، په ساحه کې د سروې، د خاورې ازموینې، د کانکرېټو د مقاومت ارزونې، د لګښت اټکل، د پروژې د تطبیق او د ښارګوټي د زیربناوو او تفصیلي پلان د ارزونې چارې ترسره شوې دي.
همدارنګه د موجوده بلاکونو وضعیت هم له نږدې څېړل شوی او دا مهال د تخنیکي ټیم تر نظارت لاندې د ساحې توپوګرافي سروې او د نقشو د بررسۍ چارې روانې دي.
د لابراتوار ټیم اړینې تخنیکي ازموینې ترسره کوي او د کانکرېټو د ټېسټ بهیر هم دوام لري.
ټاکل شوې ده چې د ټولو تخنیکي پړاوونو له بشپړېدو وروسته به وروستی راپور د کور او ښار جوړولو وزارت مقام ته وړاندې شي.
