د غزني ښار د ارزاقو سوداګریز مارکېټ له ودانیزو چارو تخنیکي څارنه ترسره شوه

۱۴۴۷/۹/۲۲

غزني ولایت کې د کور او ښار جوړولو محترم ریاست تخنیکي او مسلکي ټیم له لوري، د غزني ښار د ارزاقو سوداګریز مارکېټ له ودانیزو چارو تخنیکي څارنه ترسره کړه.

دغه چاره د کور او ښار جوړولو وزارت، له ښاري تخلفاتو د مخنیوي او د انکشافي پروژو پر تطبیق د څار محترم عمومي ریاست په همغږۍ ترسره شوه.

د غزني ښار د ارزاقو سوداګریز مارکېټ د ودانیزو چارو بهیر تر دوامدارې تخنیکي څارنې لاندې دی.

د څارنې په مهال د یادې پروژې د درېیم پوړ د کانکریټ اچولو چارې روانې وې، چې تخنیکي څارنه یې ترسره شوه.

دا پروژه په پنځو برخو (A، B، C، D  او E) وېشل شوې ده او د جوړولو کارونه یې د منظور شوې نقشې، تخنیکي اصولو او د تړون له شرطونو سره سم په منظم ډول روان دي.

د پروژې نورې برخې هم د ټاکلي مهالوېش او تخنیکي معیارونو له مخې پر مخ روانې دي. دا پروژه د ژمي د سختې هوا له پای ته رسېدو وروسته بېرته پیل شوه او له هماغه وخته راهیسې پرې دوامداره تخنیکي څارنه ترسره کېږي.

د وروستیو معلوماتو له مخې، تر دې دمه د پروژې شاوخوا ۵۶ سلنه ودانیزې چارې بشپړې شوي دي او پاتې چارې یې د ټاکلي پلان مطابق روانې دي.