هرات کې د ستر جامع جومات د بېلابېلو برخو د بیارغونې له چارو رسمي لیدنه او ارزونه ترسره شوه
۱۴۴۷/۹/۱۲
هرات کې د کور او ښار جوړولو محترم ریاست تخنیکي او فني ټیم له لوري، د دغه ولایت د ستر او تاریخي جامع جومات د بیارغونې له چارو دقیقه څارنه او ارزونه ترسره شوه.
دغه څارنه په هرات کې د اطلاعاتو او فرهنګ محترم ریاست په غوښتنه ترسره شوه، چې موخه یې د بیارغونې چارو روان وضعیت څخه ارزونه او څارنه وه.
د لیدنې په مهال، د سویل ختیځ لوري په خونو کې د چت او دېوالونو د خښتو لګولو چارې روانې وې او د سویلي ایوان د دېوالونو د پاسنۍ برخې بیراغونې دوام درلود.
دغه راز، د شمالي ایوان د بام په برخه کې د بیروني دېوالونو د کاشیو د لګلولو چارې، د کاشیو د نه چمتو کېدو له امله ځنډول شوې وې او د ختیځ ایوان د ډبرو فرش او د روښانتیا چارې بشپړې شوې وې.
تمه ده چې پاتې چارې به هم د تخنیکي معیارونو او منظور شوي پلان مطابق پر مخ یووړل شي، څو د دغه تاریخي او مذهبي اثر د ساتنې او ښکلا چارې په غوره ډول بشپړې شي.
