په ننګرهار کې د مهاجرینو د ښارګوټي اړوند د سړکونو د هوارۍ چارې په چټکۍ روانې دي
1447/8/19
د ننګرهار ولایت د بهسودو ولسوالۍ په خانکي سیمه کې، د مهاجرینو د ښارګوټي د پلان دننه د سړکونو د هوارۍ چارې په پراخ او چټک ډول روانې دي.
یادې چارې د ښارګوټي د بنسټیزو اسانتیاوو د پراختیا او د اوسېدونکو لپاره د تګ راتګ د اسانتیا په موخه عملي کېږي، څو د سیمې اوسېدونکو ته یو منظم او معیاري ښاري چاپېریال برابر شي.
په همدې تړاو، د ننګرهار ولایت د کور او ښار جوړولو ریاست د یادې پروژې له چارو له نږدې لیدنه وکړه او په ساحه کې یې مسؤلو انجنیرانو ته د کار د کیفیت، تخنیکي معیارونو او د تطبیق د څرنګوالي په اړه لازمې لارښوونې وکړې.
د پروژې چارې په پوره چټکتیا سره روانې دي او ټاکل شوې چې ډېر ژر د کور او ښار جوړولو وزارت له لوري د منظور شوي تفصیلي پلان سره سم بشپړې شي.
د یادونې وړ ده چې د دې پروژې له بشپړېدو سره به د مهاجرینو د ښارګوټي اړوند ګڼې ستونزې هوارې شي او د سیمې د عمومي پرمختګ او ښاري ودې لپاره به زمینه برابره شي.
