د کاپیسا ولایت د اداري ودانۍ پروژې بشپړ تخنیکي څارنه ترسره شوه
۱۴۴۷/۷/۱
د کور او ښار جوړولو وزارت د ښاري سرغړونو د مخنیوي د عمومي ریاست په لارښوونه، د ودانیزو او بنسټیزو پروژو د څارنې او تطبیق ریاست تخنیکي ټیم د کاپیسا ولایت د اداري ودانۍ پروژې له چارو څخه څارنه او ارزونې وکړه.
نوموړي زیاته کړه، د پروژې ټولې تخنیکي چارې وڅارل شوې، د ودانۍ د جوړونې کیفیت، د موادو کارول، د انجینري اصولو مراعت او د نقشې مطابق تطبیق ټول په پام کې ونیول شول، تخنیکي ټیم د پروژې پر مهال د ودانیو د خوندي کار چاپیریال، د کاریګرو خوندیتوب، د چت او دیوالونو د سیخ بندي او پلسترکارۍ کیفیت هم وارزوه، تر څو ډاډ ترلاسه شي چې ټول کارونه د ښاري معیارونو سره سم ترسره شوي دي.
د کاپیسا د اداري ودانۍ پروژه اوس په بشپړ ډول پای ته رسیدلې او د ریاست مسؤلین ټینګار کوي چې د ودانیزو پروژو څارنه او د کیفیت تضمین د کور او ښار جوړولو وزارت له لومړیتوبونو څخه دي.
د کور او ښار جوړولو وزارت ټینګار کوي چې د پروژو څارنه او د تخنیکي معیارونو رعایت د دې وزارت له لومړیتوبونو څخه دي او په ټولو پروژو کې د کیفیت تضمین لپاره دوامداره څارنې ترسره کېږي
