د فاریاب ولایت په گرزیوان ولسوالۍ کې د یو ښوونځي د ودانۍ د جوړولو له بهیر څارنه وشوه
۱۴۴۷/۴/۱۸
فاریاب ولایت کې د کور او ښار جوړولو ریاست محترم رئیس الحاج مولوي خالمیرزا ذوالفقار وایي، د خپل تخنیکي ټیم سره یې د پوهنې ریاست د وړاندیز پر بنسټ د دغه ولایت د گرزیوان ولسوالۍ د تخاره منځني ښوونځي له ودانیزو چارو څارنه وکړه.
ښاغلی مولوي ذوالفقار وایي، یاد منځنی ښوونځی د ښځینه زده کوونکو لپاره جوړېږي، چې د اوسمهال لپاره یې درې ټولګي او د الحاقیې ودانۍ د جوړېدو په حال کې ده.
نوموړی وایي، د څارنې په مهال معلومه شوه، چې د ودانۍ د ډبرې کار بشپړ شوی او اوس د خښتو کار روان دی.
محترم مولوي ذوالفقار وایي، قراردادي شرکت پّ ودانۍ کې د لومړۍ درجې خښتې پر ځای دوهمه درجه خښته لګولې وه، چې دوی ورته لارښوونه وکړه، څو دغه خښتې لیرې کړي او پر ځای یې لومړۍ درجه خښتې ولګوي.
هغه وایي قراردادي شرکت ته سپارښتنه وشوه، چې له دې وروسته دې خښتې هغه مهال په دېوال کې ولګوي چې کله د څارنې هیئت له لوري تائید شي او دغه راز دې پاتې ټولې چارې د معیارونو او ټاکل شوو ځانګړتیاوو سره سم دوام وکړي.
