د سنجش او برآورد ریاست د فعالیتونو په اړه غونډه تر سره شوه
۱۴۴۷/۰۲/۳۰
د کور او ښار جوړولو وزارت د مسکن، ودانیزو چارو او برنامو د پراختیا معینیت د محترم معین ښاغلي مولوي ګل زرین صابر په مشرۍ د سنجش او براورد ریاست د محترم رئیس محمد رومل هاشمي او امرینو په شتون کې غونډه تر سره شوه.
په غونډه کې محترم انجنیر محمد رومل هاشمي، د سنجش او برآورد ریاست رئیس، د ریاست اوسني جوړښت، موجودو ستونزو او اړتیاوو په اړه خبرې وکړې او د معینیت له پاملرنې او همکارۍ غوښتنه یې وکړه.
همداراز د مسکن محترم معین د دغو غونډو هدف د کارونو څارنه او ارزونه وبلله او د کارکوونکو ترمنځ د همکارۍ د اهمیت یادونه یې وکړه.
ښاغلي صابر ټینګار وکړ چې د سپارل شویو دندو او مسئولیتونو ترسره کول باید په دقت او په ټاکلي وخت کې وشي، څو له هر ډول ځنډ څخه مخنیوی وشي او همدارنګه یې د شریعت، نافذه اصولو او قوانینو رعایت د کارکوونکو لپاره ضروري وبلل او د نظم او اداري اصولو په مراعتولو یې ټینګار وکړ.
همدارنګه، د یاد ریاست یو شمېر آمران او کارکوونکي د خپلو فعالیتونو، موجودو ستونزو او ننګونو په اړه معلومات وړاندې کړل او له معینیت سره یې شریک کړل.
