د کابل سروبي ولسوالۍ د پراختیایي پلان څارنه ترسره شوه
۱۴۴۷/۲/۱۶
د کور او ښار جوړولو وزارت د ښاري تخلفاتو د مخنیوي ریاست محترم رئیس مولوي عبدالمنان حقاني وایي، د یاد ریاست له تخنیکي او مسلکي ټیم سره یو ځای، د سروبي ولسوالۍ د پراختیایي پلان د دقیقې څارنې او د ښاري سرغړونو د مخنیوي لپاره له سیمې لیدنه وکړه.
ښاغلي مولوي حقاني وویل، دغه هیئت د ځایي چارواکو په همغږۍ او د ټاکل شوي پلان له مخې د مهمو سیمو څارنه وکړه، چې په پایله کې ټولټال ۱۲ ښاري سرغړونې ثبت شوې.
د نوموړي په وینا، یادې سرغړونې په شنو، صنعتي، استوګنیزو اوسوداګریزو سیمو کې د غیر قانوني ودانیو جوړول، غیر مجاز تجهیزاتو نصب، او د پلان له مخې د ځانګړل شوو ځمکو ناسم استعمال شامل وو.
د کور او ښار جوړولو وزارت ټینګار کوي چې دغه سرغړونې باید په لنډ وخت کې اصلاح شي او د ښاري پراختیا پلانونه په دقت سره تعقیب او عملي شي.
