د کاپیسا ولایت د احمد بیک تپې اصلاحي پلان جوړ شو
۱۴۴۴/۰۵/۰۴
د کور او ښار جوړولو وزارت د کاپیسا ولایت په نجراب ولسوالۍ کې د احمد بیک تپې اصلاحي پلان جوړ کړ.
د احمد بیک تپې اصلاحي پلان چې (۷۴۳.۴) جریبه ځمکې لپاره جوړ دی، په دې ځمکه کې ټولګټي ځایونه، استوګنیزې نمرې، سوداګریزې سیمې، شنې سیمې، پارکونه او سړکونه شامل دي.
په دې اصلاحي پلان کې ځینې خپل سرې کړنې او د سیلاب راوتلو سیمې اصلاح شوي او کرنیزې ځمکې له پلان وېستل شوې دي.
د کوراو ښار جوړولو وزارت د ښاري سکتور د یوې باوري سرچینې په توګه؛ همېشه ښاري پلانونه طرحه کوي او د ښاري پراختیا برنامې عملي کوي.
