ټول کارکوونکي باید د کاري پلان په پلې کولو کې هڅه وکړي
۱۴۰۱/۰۱/۰۱
د ښار جوړولو او ځمکو وزارت د ځمکو چارو سرپرست محترم الحاج ملا عبدالرحمن رحماني د یاد وزارت د کنفرانسونو په تالار کې د خمکو برخې له مسؤلینو او کارکوونکو سره کاري ناسته وکړه.
په پیل کې د ځمکو چارو سرپرست ښاغلي الحاج ملا عبدالرحمن رحماني دعا وکړه چې نوی لمریز کال دې د خیر ، لاسته راوړنو او سوکالۍ کال شي.
ورپسې د ځمکو برخې مسؤلینو او کارکوونکو په جلا جلا ډول د ۱۴۰۰ کال د وروستۍ ربع راپورونه په بشپړه توګه روښانه کړي چې څنګه خپلې چارې پر مخ بیایي او د ۱۴۰۱ کال لپاره یې هم خپلې تګلارې ورته روښانه کړي دي.
الحاج ملا عبدالرحمن رحماني د یادو مسؤلینو د کاري راپور او تګلارو له اوریدو وروسته د اړوندو ادارو د کار ستاینه وکړه.
نوموړي د وزارت له اړوندو مامورینو غوښتنه وکړه چې د خپل کاري پلان په پلې کولو کې دې بې دریغه هڅې وکړي.
هغه ډاډ ورکړ چې په ټولو چارو کې به ورسره بشپړه همکاري کوي.
.
