د غالیو صنعتي او هستوګنیزو ښارګوټو د ځمکو وېش کړنلارې ورستۍ کېدو ناسته تر سره شوه

Nasiri_admin
دوشنبه ۱۴۰۰/۳/۲۴ - ۹:۳۸
کابل

دا ناسته د ښار جوړولو او ځمکو وزارت د غالیو صنعتي او هستوګنیزو ښارګوټو پروژې امر علي صابري تر مشرۍ لاندې د ملي پراختیا شرکت، د پراختیا زون ادارې، د جمهوري ریاست حقوقي واحد، د جمهوري ریاست د پالیسۍ او سټراټیژۍ ادارې مسوولانو او د دې وزارت د املاک او اسکان رئیس په ګډون د ښاري چارو معینیت د غونډو په تالار کې وشوه.

په سر کې د ښار جوړولو او ځمکو وزارت د غالیو صنعتي او هستوګنیزو ښارګوټو د پروژې امر علي صابري د ځمکې په وېش کې د یوه ښه میکانیزم شتون، له بنسټیزو تاسیساتو څخه غوره ګټه اخیستنه، د عوایدو راټولولو لپاره د عادلانه سیسټم رامنځ‌ته کول، د ښه کاري چاپېریال برابرول، د افغاني اصیلو غالیو صنعت بیا راژوندي کول، اقتصادي وده او ټولنیزې اسانتیاوې، د دې کړنلارې اصلي موخې وګڼلې او د اړونده ادارو له مسوولانو یې وغوښتل چې د یادې کړنلارې د ښه‌والي لپاره خپل وړاندیزونه ورسره شریک کړي.

ورپسې د اړوندو ادارو مسوولانو د دې پروژې د چارو پر مخ بېولو کې د ښار جوړولو او ځمکو وزارت له هڅو څخه د ستاینې تر څنګ د کړنلارې په اړه بحث وکړ او همداراز د غالۍ صنعتي او هستوګنیزو ښارګوټو په اړه یې خپل وړاندیزونه او نظریات شریک کړل.

د ویلو ده چې ښار جوړولو او ځمکو وزارت د یوې باصلاحیته ادارې په توګه د غالیو صنعتي او هستوګنیزو ښارګټو د ځمکې تثبیت، لېږد او سروې، د بنسټیزو چارو پر مخ بېولو او همداراز د هستوګنیزو، سوداګریزو او خدماتي سیمو د وېش چارې مسوولیت پر غاړه لري او د غالۍ سکټور په استازیتوب د غالیو تولیدونکې اتحادیه او د غالۍ صادرونکي د قرارداد یوه برخه ده؛ همداراز د سوداګرۍ او صنعت وزارت د دې ښارګوټو د وېش او ساتنې مسوولیت پر غاړه لري.

تازه خبرونه

شنبه ۱۴۰۵/۸/۳۰ - ۱۵:۴۰
Background image

د اماراتو په استوګنیز ښارګوټي کې د جامع جومات د جوړولو چارې د تخنیکي ټیم له لوري وڅارل شوې

۱۴۴۸/۶/۱۰

د کور او ښار جوړولو وزارت د کیفیت، کنټرول او ښاري سرغړونو د مخنیوي عمومي ریاست اړوند د ساختماني او زیربنایي پروژو د تطبیق د څارنې ریاست تخنیکي ټیم د کابل ښار د ۱۵مې ناحیې د. . .

شنبه ۱۴۰۵/۸/۳۰ - ۱۲:۲۸
Background image

په کندهار کې د جامع عمر مسجد شریف ودانیزې چارې به ډیر ژر بشپړې شي

۱۴۴۸/۶/۱۰

د کور او ښار جوړولو محترم وزیر الحاج مولوي نجیب‌الله حیات حقاني د کندهار ښار د حضرت عمر (رض) جامع جومات د ځینو برخو د جوړولو او پاتې ساختماني چارو د بهیر څارنه او ارزونه وکړه. . .

چهارشنبه ۱۴۰۵/۸/۶ - ۱۴:۲۱
Background image

په پروان ولایت کې د ۳۰ متره سړک د دواړو غاړو د موازي کرښو د ټاکلو توپوګرافي سروې بشپړه شوه

۱۴۴۸/۵/۱۶

د کور او ښار جوړولو وزارت د سروې او جي‌ ای‌ اېس ریاست تخنیکي ټیم د پروان ولایت په مرکز کې د پوهنتون له درې‌لارې څخه د هوفیان له سیمې هاخوا پورې د ۳۰ متره سړک د دواړو غاړو د. . .

BACK TO NEWS

ښاغلی مولوي نجیب الله حیات حقاني 

 

۱ کال ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د کور او ښار جوړولو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د کور او ښار جوړولو وزارت وزیر
د کور او ښار جوړولو وزارت