کاپیسا کې د یوې تعلیمي پروژې چارې بشپړې او د یوې بلې تعلیمي چارې دوام لري
ښارجوړولو او ځمکو وزارت د کاپیسا ولایت د حصه اول کوهستان ولسوالۍ په میرپفدم کلي کې د یو ۱۰ صنفي ښوونځي رغنیزې چارې بشپړې کړې او همدارا د دې ولایت په مرکز محمود راقي کې د عبدالوهاب شپږ صنفي ښوونځي رغنیزې چارې ۵۰ سلنه پرمخ وړي دي.
د میرپفدم کلي ۱۰ صنفي ښوونځی په ۵۱۰ متر مربع ځمکه کې په دوه پوړونو د ۲۴ میلیونه او ۵۰۰ زره افغانیو په ارزښت جوړ شوی او د عبدالوهاب صافي شپږ صنفي ښوونځی په ۴۵۰ متر مربع ځمکه کې په یو پوړ د ۸ میلیونه او ۲۰۰ زره افغانیو په ارزښت د ښارجوړولو او ځمکو وزارت له پراختیايي بودیجې د جوړېدو په حال کې دی.
ښارجوړولو او ځمکو وزارت د دولت تعلیمي او پراختیايي پروژو په تطبیق سره په بېلابېلو برخو کې هېوادوالو ته د اساسي خدمات کچه لوړه کړې او خلکو ته لازمې اسانتیاوې برابروي.
###
