په جوزجان ولایت کې ۲۱۶۳۹۲ جریبه دولتي ځمکه ثبت شوه
د ښار جوړولو او ځمکو وزارت د دولتي ځمکو ثبت په دوام کې، په جوزجان ولایت کې ۲۱۶۳۹۲ جریبه دولتي ځمکه سروې او ثبت کړې ده.
دغه اندازه ځمکه په ۲۵۳ قطعو کې چې ۱۶۲۳۷۶ جریبه یې دولتي سپینې ځمکې او ۵۴۰۱۶ جریبه نور یې د دولتي ادارو تر استفادې لاندې دي، ثبت شوي.
په دې سره، د ولایت په کچه د دولتي ځمکو کره شمېره به ترلاسه شي او د دولتي غصب شویو ځمکو د استرداد سربېره په ښاري او کلیوالي کچه د حکومت ټول ګټو پروژو ښه تطبیق ته به اړین فرصتونه چمتو شي.
په تېر یو کال کې، څه د پاسه ۵،۵ میلیونه جریبه دولتي ځمکه سروې او ثبت شوې او د ثبت شویو ځمکو څخه د حکومت د پروژه د تطبیق لپاره ګټه اخېستنه پیل شوې ده.
