کندز ولايت کې لس جريبه دولتي ځمکه استرداد شوه
ښار جوړولو او ځمکو وزارت په هېواد کې د غصب شوو ځمکو د خلاصون په لړ کې دا ځل د کندز ولايت په دشتارچي ولسوالۍ کې ۱۰ جريبه ځمکه له غاصبينو خلاصه کړه.
دا بکر او باير ډوله ځمکه له څو کلونو راهيسې د ځايي زورواکو تر شخصي استفادې لاندې وه، خو اوس د ښار جوړولو او ځمکو وزارت په زيار ترې موثرې او معقولې استفادې لپاره زمينه برابره شوه.
ښار جوړولو او ځمکو وزارت د کندز ولايت په مرکز او بېلابېلو ولسواليو کې تر اوسه ۱۵۳۳ جريبه ځمکه استرداد کړې او ټاکل شوې چې په راتلونکي کې نوره غصب شوې ځمکه هم له غاصبينو خلاصه کړي.
