کندوز ولايت کې به د نورجهان ښوونځی ډير ژر ګټې اخېستنې ته وسپارل شي
ښار جوړولو او ځمکو وزارت د کندوز ولايت په قلعهذال ولسوالۍ کې د نورجهان ښوونځي لپاره د ودانۍ جوړولو چارې ۹۵ سلنه بشپړې کړي او په نږدې راتلونکي کې به يې ګټې اخېستنې ته وسپاري.
د ښوونځي دا ودانۍ په ۲۵ ميليونه ۴۰۰ زره افغانيو د ښار جوړولو او ځمکو وزارت د عامه او دولتي ساختمانونو د برنامې له لارې په معياري ډول رغول کيږي.
ښار جوړولو او ځمکو وزارت د کور جوړونې ادارې د پېش ساخت قطعاتو د توليد فابريکې په وسيله د روان لمريز کال په ترڅ کې تر اوسه د هېواد په ۲۴ ولايتونو کې ۷۵ ښوونځيو لپاره ودانۍ جوړې کړي.
