کابل ښار کې د الشفاء روغتون له د ودانیزو چارو څارنه وشوه
۱۴۴۷/۱۰/۲۶
د کور او ښار جوړولو وزارت د ساختماني او زیربنایي چارو د تطبیق د څار ریاست اړوند تخنیکي ټیم له لوري، د دوامداره تخنیکي څارنو په لړ کې د کابل ښار کې د الشفاء (جمهوریت) روغتون د پروژې د ودانیزو چارو ساحوي څارنه وشوه.
دغه څارنه د کور او ښار جوړولو وزارت اړوند د ښاري سرغړونو د مخنیوي او د پروژو پر تطبیق د څار محترم عمومي ریاست د هدایت پر بنسټ ترسره شوه.
د څارنې پر مهال د پروژې په بېلابېلو برخو کې د کارونو جریان وڅارل شو، چې په لومړۍ برخه کې د لس پوړیزه تعمیر د کړکیو لپاره د طبي پردو نصب، د اوبو رسولو تجهیزاتو لګول او د مرکز ګرمي پایپونو غځول روان وو.
همدارنګه، په دویمه برخه کې د جلا تعمیرونو لپاره قالب تړل او سیخ تړل، د اکسیجن برخه او د اوبو رسولو پایپونو نصب، د خشتکارۍ، پلسترکارۍ او رنګمالۍ چارۍ، او د برقي سیستم اړوند د ساکټونو او سویچونو نصب او تنظیم تر کار لاندې وو.
په درېیمه برخه کې د اکسیجن پلانت لپاره د مسي پایپونو نصب، د انټرنېټ شبکې اړوند دکتونو نصب او د اوبو رسولو تجهیزاتو لګولو چارې روانې وې.
یاده پروژه د عامې روغتیا وزارت له لوري مدیریت کېږي او د ساختماني چارو تطبیق یې د ملي يراختیا شرکت له لوري د قرارداد له مخې پرمخ وړل کېږي.
د څارنې په ترڅ کې د قراردادي شرکت مسؤلینو ته لازمې لارښوونې وشوې، څو چارې د قرارداد له تخنیکي اسنادو، ملي او نړیوالو معیارونو او د کار د خوندیتوب اصولو سره سم پرمخ یوسي.
د ساختماني او زیربنایي پروژو د ودانیزو چارو دوامداره څارنه د کار د کیفیت د لوړولو، د معیارونو د رعایت او د پروژو د معیاري تطبیق لپاره مهمه بلل کېږي.
