څه باندې زر (۱۰۰۰) نورې استوګنیزې نومرې هم راستنو شوو مهاجرو کورنیو ته ووېشل شوې
۱۴۴۷/۱۱/۲۵
د کور او ښار جوړولو وزارت په مشرۍ د دایمي مېشتېدنې او د ځمکو د وېش کمېټې په بېلا بېلو ولایتونو کې راستنو شویو مهاجرو کورنیو ته استوګنیزو نومرې ووېشلې.
د کور او ښار جوړولو وزارت محترم وزیر الحاج مولوي نجیب الله حیات حقاني تل په خپلو خبرو کې ویلي، اسلامي امارت د خپلو ولسونو او په ځانګړې توګه په دې وروستیو کې د مهاجرو ورونو درناوی کوي، او د هغوی د ستونزو د حل په لټه کې دی.
دغه نمرې تېره ورځ دوشنبه هغه سلګونو کورنیو ته د دایمي استوګنې په موخه ووېشل شوې، چې په اجباري توګه له ګاونډیو هېوادونو راستنې شوې دي.
د دغې پروسې په ترڅ کې، په ننګرهار ولایت کې ۳۴۱، لغمان ولایت کې ۳۷۵، زابل ولایت کې ۱۷۶، پکتیا ولایت کې ۵۶، لوګر ولایت کې ۱۵۵، کندز ولایت کې ۱۵۰ او غزني ولایت کې ۱۵۰ راستنو شویو مهاجرو کورنیو ته د استوګنیزو ځمکو نمرې وسپارل شوې.
په ټوله کې، تېره ورځ دوشنبه (۱۴۰۳) استوګنیزې نمرې ووېشل شوې، چې ورسره د هېواد په کچه د وېشل شوو نومرو مجموعي شمېر ۲۲ زره او ۸۵۱ ته پورته شوې.
د کور او ښار جوړولو وزارت، محترم وزیر الحاج مولوي نجیب الله حیات حقاني ټینګار کوي، چې د راستنېدونکو مهاجرو د ستونزو د حل، د هغوی د اساسي اړتیاوو د پوره کولو او د دایمي مېشتېدنې د پروګرامونو د پراختیا لپاره هڅې به په دوامداره توګه روانې وي.
