په کندهار کې د جنوبي زون کارکوونکو لپاره د ظرفیت لوړونې پنځه ورځنی ورکشاپ پای ته ورسېد
۱۴۴۷/۰۷/۱۴
د کور او ښار جوړولو وزارت د کارکوونکو چارو ریاست د ظرفیت لوړونې امریت له لوري، د جنوب زون په ولایتونو (کندهار، ارزګان، هلمند، زابل) د کارکوونکو لپاره د ظرفیت لوړونې پنځه ورځنی ورکشاپ د کندهار ښار کې ترسره او د یاد ولایت د کور او ښار جوړولو رئیس په حضور کې پای ته ورسېد.
یاد ورکشاپ د تخنیکي سروې، د غیرپلاني ساحو د پراختیایي پلان جوړولو، د ودانیو ډیزاین، د کارکوونکو ارزونې او د استخدام د پروسې تر عنوان لاندې تنظیم شوی و، چې موخه یې د کارکوونکو مسلکي ظرفیت لوړول او د کاري مهارتونو پیاوړتیا وه.
دغه ورکشاپ د غیرپلاني ساحو د تنظیم او انکشاف ریاست، د سروې او جي ای ایس ریاست او د مهندسۍ، انجنیرۍ نظام د طرح او مقرراتو ریاست په تخنیکي همکارۍ ترسره شو، چې ګډونوالو ته پکې اړین تخنیکي او مسلکي معلومات وړاندې شول.
د کور او ښار جوړولو وزارت د کارکوونکو د مسلکي وړتیاوو د لوړولو او د ښاري چارو د معیاري تطبیق په موخه د هېواد په بېلابېلو زونونو کې د ظرفیت لوړونې پروګرامونه په دوامداره توګه ترسره کوي.
