په کندهار کې د استیناف څارنوالۍ د ودانۍ د ساختماني چارو له بهیره څارنه وشوه
۱۴۴۷/۳/۲
د کندهار ولایت د کور او ښرا جوړړلو ریلست محترم رئیس مولوي عبددالمتین سعید وایي، د دې ریاست اړوند تخیکي د استیناف څارنوالۍ د ودانۍ د اعمار له چارو څارنه وکړه.
ښاغلي مولوي سعید وویل، د څارنې پر مهال څرګنده شوه چې د ودانۍ د دوهم، لومړي او د زیرخانې د اطاقونو د فرش مرمر کاري بشپړ شوې دي او همدارنګه د تشنابونو د کاشي کارۍ چارې پای ته رسېدلی او د ودانۍ د بهرني رنګمالۍ چارې روانې وې.
د نوموړي په خبره، په راپور کې د نواقصو په توګه یادونه شوې چې په ساحه کې کاري ټیمونه کم وو او د همدې ستونزې د حل لپاره د قراردادي شرکت ساحوي انجنیر ته جدي سپارښتنه وشوه چې د ټولو ساختماني فعالیتونو لپاره زیات کاري ټیمونه په ساحه کې وګماري.
د یادونې ده، چې د کندهار استیناف څارنوالۍ ودانۍ د عدلي او قضایي خدمتونو د ښه والي لپاره د کور او ښار جوړولو وزارت له لوري د اساسي پروژو له ډلې ده چې د دې ودانۍ بشپړېدل به د عدلي چارو د ترسره کولو لپاره معیاري اسانتیاوې رامنځته کړي او د ولایت د خلکو لپاره به د عدالت په بهیر کې لا زیات سهولتونه برابر کړي.
