په پکتیاکوټ کې د برېښنا شبکو د پلانونو د څارنې پر مهال څلور سرغړونې ثبت شوې
۱۴۴۷/۰۳/۲۷
د کور او ښار جوړولو وزارت د ښاري سرغړونو د مخنیوي ریاست محترم رئیس مولوي عبدالمنان حقاني وایي چې د یاد ریاست اړوند تخنیکي ټیم د خپلو پخوانیو فعالیتونو په دوام د پکتیاکوټ د دولسم جنکشن اړوند د برېښنا شبکو د پلانونو څارنه ترسره کړه.
ښاغلي مولوي حقاني وویل، هیئت د پکتیاکوټ اړوند د برېښنا شپږ برجونه (لومړی، دوهم، درېیم، څلورم، تقویتي برج او د شهدا برج) وڅېړل، چې په ترڅ کې یې څلور مهمې سرغړونې ثبت شوې:
د نوموړي په خبره، د څارنې ټیم څرګنده کړه چې یاده ساحه په غیرپلاني ډول پراخه شوې او ټولې شبکې (۱۵ زره ولټه او ۴۰۰ ولټه) د هوایي لینونو په بڼه نصب شوې دي، چې دا حالت د شبکې او مصرف کوونکو تر منځ د معیارې واټن د له منځه تلو لامل شوی چې له امنیتي او تخنیکي پلوه جدي ستونزه ګڼل کېږي او د انساني تلفاتو او مالي زیانونو خطر رامنځته کولای شي.
د کور او ښار جوړولو وزارت د ښاري سرغړونو د مخنیوي ریاست دنده لري چې په ښارونو کې د زیربنایي شبکو او پروژو د کیفیت او معیاري تطبیق څارنه وکړي، او د برېښنا شبکو په څېر برخو کې د سرغړونو مخنیوی د ښاري خدمتونو د خوندیتوب او د خلکو د ژوند د خوندیتوب لپاره ډېر اهمیت لري.
