په هرات کې دوه تعلیمي پروژې ګټې اخیستنې ته وسپارل شوې
ښارجوړولو او ځمکو وزارت د هرات ولایت په زنده جان ولسوالۍ کې یو ۱۰ صنفي ښوونځی او د دې ولایت د مرکز په لومړۍ ناحیه کې د سلطان غیاث الدین غوري لیسې د ساینس لابراتوار ودانۍ رغنیزې چارې بشپړې او ګټې اخیستنې ته یې وسپارل.
۱۰ صنفي ښوونځی پر ۹۰۶ متر مربع ځمکه په یو پوړ کې چې د ۳۹۷ متره په اوږد والي د احاطې دیوال، دروازه، پنځه غرفې، کثافت خونې، د سولر سیسټم او د ۱۰۰ متره په ژور والي د څښاک څاه پهکې شامله دي د ۱۴ میلېون او ۷۰۰ زره افغانیو په ارزښت او د ساینس لابراتوار ودانۍ پر ۱۰۵۰ متر مربع ځمکه په دوه پوړونو کې د ۲۶ میلېون افغانیو په ارزښت د پوهنې وزارت له پراختیايي بودیجې جوړه شوې ده.
د ویلو ده چې د هېواد په کچه د ښوونځیو جوړول د ښارجوړولو او ځمکو وزارت لومړیتوب دی او دا وزارت په پام کې لري د خصوصي سکټور په همکارۍ د ولایاتو په کچه د ښوونځیو جوړولو لړۍ لا ګړندۍ کړي.
