په نیمروز ولایت کې د 100 بستریز روغتون له ودانیزو چارو څارنه وشوه
۱۴۴۶/۰۲/۲۰
د نیمروز ولایت د کور او ښار جوړولو ریاست محترم رئیس مولوي عبدالجبار یاسیني وایي، د دې ریاست د تخنیکي ټيم په ملتیا یې په دې ولایت کې د ۱۰۰ بستریز روغتون له ودانیزو چارو څارنه وکړه.
ښاغلي مولوي یاسیني وویل، د دې روغتون پروژه د نیمروزولایت په کچه ستره ودانیزه پروژه ده چې په بشپرړیدو سره به یې د رغتیا په برخه کې د نیمروز د خلکو شته ستونزې تر ډیره کچه حل شي.
نوموړي وویل، د یادې پروژې تخنیکي چارې د دې ریاست د انجنیرانو لخوا پر مخ وړل کیږي، چې تر دې دمه یې چارې په اساسي شکل روانې دي، ودانیزې چارې به یې زر بشپړې شي او هغه ستونزې چې په تیرو کالونو کې په دې پروژه کې منځته راغلې وې حل شوي دي.
د کور او ښار جوړولو وزارت تخنیکي ټیمونه په مرکز او ولایتونو کې د پروژو له چارو څانه کوي تر څو چارې د نقشې مطابق په مسلکي شکل مخته ولاړې شي.
