په ميدان وردګ ولايت کې د پايو د نصب لپاره له ۲۰۰ څخه د زیاتو جايدادونو د مالکيت حق تثبيت شو
ښار جوړولو او ځمکو وزارت له کابل څخه تر غزني پورې د ۲۲۰ کيلو ولټه انتقالي برېښنا په لړ کې د اسانتيا رامنځته کولو په موخه د ميدان وردګ ولايت په مربوطاتو کې د پايو د نصب لپاره د ۲۶۴ جايدادونو د مالکيت حق د تثبيت چارې بشپړې کړې.
له دې ډلې څخه ۱۴۴ پايې په دولتي ځمکه کې او ۱۲۰ پايې په شخصي ځمکه کې تثبيت شوي دي.
د ښار جوړولو او ځمکو وزارت د ټولګټو پروژو د چارو انسجام رياست د راپور لهمخې په ميدان وردګ کې د يادې پروژې د پلي کولو په موخه د ۹۱ نورو پايو لپاره د محلونو د مالکيت حق د تثبيت چارې دوام لري.
