په لغمان ولایت کې د نفت او ګازو مدیریت د اداري ودانۍ له پروژې تخنیکي څارنه ترسره شوه
۱۴۴۷/۰۹/۲۷
د کور او ښار جوړولو وزارت د تخنیکي ټیم له لوري د لغمان ولایت په اداري کمپلکس کې د نفت او ګازو مدیریت لپاره د جوړېدونکې اداري ودانۍ له روانو ودانیزو چارو څخه تخنیکي څارنه ترسره شوه.
د ساحوي ارزونې پر مهال څرګنده شوه چې په یاده پروژه کې د یو شمېر تهدابونو د کانکریټ اچونې چارې روانې دي، د څارنې په ترڅ کې د کانکریټو د کیفیت د ارزونې او د تخنیکي معیارونو د رعایت په موخه د کانکریټو د تودوخې اندازه کول او د کانکریټو د روانوالي ازموینه ترسره شوه.
همدارنګه د کانکریټو د مقاومت د لابراتواري ارزونې لپاره د سلنډري نمونو یو سیټ چمتو او ډک کړل شو، څو وروسته یې تخنیکي ازموینې ترسره شي.
د لغمان ولایت په اداري کمپلکس کې د نفت او ګازو مدیریت د اداري ودانۍ جوړول د دولتي ادارو د اداري ظرفیت د پیاوړتیا په برخه کې مهم ګام بلل کېږي، چې په بشپړېدو سره به د یاد مدیریت لپاره مناسب، معیاري او منظم اداري چاپېریال برابر کړي.
