په قیصار ولسوالۍ کې د تفصیلي پلان خط اچونه تر سره شوه
۱۴۴۷/۰۲/۲۳
د فاریاب ولایت د کور او ښار جوړولو ریاست محترم رئیس مولوي خال میرزا ذوالفقاروایي، د دې ریاست اړوند د تخنیکي ټیم لخوا د قیصار ولسوالۍ د تفصیلي پلان خط اچونه تر سره شوه.
ښاغلي ذوالفقار وویل، چې چارې د پلان سره سمې روانې دي او مسؤل انجنیرانو ته یې سپارښتنه وکړه چې په کار کې له حوصلې او دقت څخه کار واخلي، ځکه چې هره کوچنۍ تېروتنه کولای شي د سیمې اوسېدونکو ته جدي او د پام وړ زیانونه ورسوي.
د یادولو وړ ده، دغه څارنه د سیمې د ښاري پراختیا او د خدمتونو د ښه والي په موخه ترسره شوې ده څو د پلانونو تطبیق دقیق او له نیمګړتیاوو پاک وي.
