په فراه کې د ۱.۵ کیلومتره سړک د جوړېدو چارې و څارل شوې
۱۴۴۷/۰۷/۱۸
د فراه ولایت د کور او ښار جوړولو ریاست د تخنیکي ټیم له خوا د ښار په نواحیو کې د ۱.۵ کیلومتره سړک د جوړېدو چارې وڅارل شوې.
د فراه ولایت د کور او ښار جوړولو ریاست محترم رئیس وویل، د نعمان ابن ثابت سړک د آسفالت د پوښښ لایې د هموارولو چارې د مشخصاتو سره سم پرمخ ځي.
هغه زیاته کړه چې قراردادي شرکت ته سپارښتنه شوې څو د اسفالت لایه د پیور ماشین په واسطه تطبیق کړي او د نقشې مطابق یې پلنوالی په پام کې ونیسي.
د فراه ولایت د کور او ښار جوړولو ریاست د ښارونو د معیاري انکشاف لپاره د سړکونو، پلونو او نورو بنسټیزو پروژو څارنه پر مخ وړي، تر څو کارونه په دوامداره، اصولي او معیاري ډول ترسره شي. د نعمان ابن ثابت سړک پروژه د دغو هڅو یوه بېلګه ده.
