په فراه ښار کې د ښاروالۍ د درې پوړیزه هوټل د ودانۍ له چارو څارنه وشوه
۱۴۴۷/۸/۵
د فراه ښار په دوهمه ناحيه کې د ښاروالۍ د درې پوړیزه هوټل د ودانۍ له ودانیزو چارو څارنه وشوه، چې دا مهال د پروژې د بنسټونو د سيخ بندۍ چارې روانې دي.
د يادې پروژې چارې د تخنيکي ټيم له لوري تر منظم څارنې لاندې روانې دي، تر څو د ساختماني کارونو کيفيت، د موادو معيار او د تطبیق بهير د ټاکل شوو اصولو سره سم ترسره شي.
همدارنګه ټينګار شوی چې ټول ساختماني فعاليتونه بايد د خونديتوب اصولو ته په پوره پاملرنې سره ترسره شي او هر پړاو د نظارتي ټيم له تائيد وروسته بل پړاو ته داخل شي، تر څو پروژه د کيفيت او ټاکلي مهالوېش له مخې پر مخ ولاړه شي.
