په غور کې له ۱۳۴ زره جريبو زياته دولتي ځمکه ثبت شوه
ښار جوړولو او ځمکو وزارت په غور ولايت کې ۱۳۴ زره ۷۵۹ جريبه دولتي ځمکه سروې او ثبت کړه چې په دې سره يې د دولتي ځمکو لويه برخه له غصب څخه خوندي کړه.
له دې ډلې څخه په ۳۵ قطعو کې ۱۳۱۲۲۵ جريبه سپينه دولتي ځمکه ده او په ۱۰۹ قطعو کې ۳۵۳۴ جريبه دولتي املاک دي چې د ياد ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر اوسه په ټول هېواد کې ۵ ميليونه ۲۳۷ زره او ۹۴۶ جريبه ځمکه او دولتي املاک سروې، نقشه او ثبت کړي دي.
