په غزني ښار کې د استوګنیزې ودانۍ د رغنیزو چارو څارنه وشوه
۱۴۴۷/۰۱/۰۵
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست اړوند تخنیکي ټيم د ښار په درېيم پلان کې د عطا محمد او ذبیحالله له استوګنیزې ودانۍ څخه لیدنه او څارنه ترسره کړه.
ښاغلي مولوي متقي وویل، د څارنې پر مهال څرګنده شوه چې د ودانۍ د رغنیزو چارو پر وخت ځینې ښاري سرغړونې موجودې وې، چې د ریاست له خوا اړوند مسؤلینو ته لازمې لارښوونې وشوې، ترڅو د ښاري اصولو څخه سرغړونه ونه شي او چارې د مقرراتو سره سم پر مخ لاړې شي.
د کور او ښار جوړولو وزارت مرکزي او ولایتي ټيمونه د پروژو له چارو څارنه کوي، تر څو چارې د نقشې مطابق په معیار برابرې تر سره شي.
