په غزني ولایت کې د عامې روغتیا ریاست د یوې ودانیزې پروژې څارنه وشوه
۱۴۴۷/۰۵/۱۹
د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست اړوند تخنیکي ټیم د غزني ولایت د عامې روغتیا ریاست اړوند د احاطې دیوال، سنګ کارۍ او سیوري چت د جوړولو له پروژې څخه د نظارت او ارزونې لیدنه ترسره کړه.
ښاغلي مولوي متقي وویل، د احاطې دیوال د سنګکارۍ چارې او د سیوري چت کارونه په ساحه کې روان وو، چې د انجینري نقشې او تخنیکي مشخصاتو مطابق پر مخ وړل کېږي.
د کور او ښار جوړولو ریاست مسؤلینو د پروژې پلي کوونکي شرکت ته لارښوونه وکړه، څو د ودانیزو چارو په هر پړاو کې د کیفیت، د موادو د ټاکلي مارک، او د تخنیکي اصولو رعایت ته جدي پاملرنه وکړي.
د کور او ښار جوړولو وزارت د هېواد په ټولو ولایتونو کې د عامه تاسیساتو د معیاري جوړولو او څارنې پروګرامونه پرمخ وړي، څو د دولتي ادارو ودانۍ د انجینري معیارونو له مخې جوړې او د دوامدارې ودې لپاره اغېزمنې وي.
