په سرپل کې د پلچک پروژې له چارو څارنه وشوه
۱۴۴۷/۰۷/۱۶
د سرپل ولایت د کور او ښآر جوړولو ریاست تخنیکي ټيم د جرجرک کلي په مسیر کې د کوهستاناتو او البدر ولسوالۍ د یو پایه پلچک پروژې له نږدې څارنه وکړه.
د څارنې په ترڅ کې څرګنده شوه چې کانکریت کار بشپړ شوی، رینګونه او ډبري دواړه اړخونه په ځای شوي دي، او د پروژې د پرمختګ اړوند نور کارونه روان دي.
د سرپل ولایت د کور او ښار جوړولو ریاست محترم رئیس وویل، د پروژې د کیفیت د لوړولو او د پرمختګ د ښه والي لپاره د قراردادي شرکت مسؤلینو ته اړینې تخنیکي لارښوونې هم ورکړل شوې.
د سرپل ولایت د کور او ښار جوړولو ریاست تخنیکي ټيم د ودانیزو او پراختیايي پروژو د څارنې لپاره دوامداره څارنه او ارزونه ترسره کوي، ترڅو ټولې پروژې د پلان، معیارونو او د خلکو د اړتیاوو سره سم پر وخت بشپړې شي او کیفیت یې تضمین شي.
