په دایکندي کې د مهاجرینو د ښارګوټي تفصیلي پلان لاسلیک شو
۱۴۴۷/۰۶/۱۰
د کور او ښار جوړولو وزارت محترم وزیر الحاج مولوي نجیب الله حیات حقاني د دایکندي ولایت د مهاجرینو د ښارګوټي تفصیلي پلان لاسلیک کړ.
د مهاجرینو د کمېټې د دارالانشاء مسؤول انجنیر فهیم الله ذکریا وايي، چې یاده پروژه په شاوخوا ۱۲۱۷ جریبه ځمکه کې جوړیږي او ټولټال ۱۴۸۳ استوګنیزې نمرې لري، یادې نمرې د ۵، ۱۰ او ۱۵ بسوې په کچو وېشل شوې دي چې د مهاجرینو او اړمنو کورنیو لپاره به منظم ځای پر ځای کېدو ته زمینه برابره کړي.
د پلان له لاسلیک وروسته د پروژې د عملي کار لپاره تخنیکي چارې هم پیل شوې، چې له بشپړېدو سره به یې سلګونه کورنیو ته سرپناه برابره شي.
د پروژې په عملي کېدو سره به په سیمه کې د اوبو، برېښنا، فاضلهلاین او سړکونو په څېر اساسي ښاري خدمتونه معیاري شي، چې دا به نه یوازې د اوسېدونکو ژوند اسانه کړي، بلکې د ښار په ټولیزه پرمختګ کې به هم اغېزه ولري.
