په تالقان ښار کې د غیرقانوني ودانیو د ودانیزو چارو مخنیوی وشو
۱۴۴۷/۰۶/۱۳
د کور او ښار جوړولو وزارت د ښاري سرغړونو د مخنیوي د عمومي ریاست د لارښوونې پر اساس د تخار ولایت د کور او ښار جوړولو ریاست تخنیکي ټیم د تالقان ښار په بېلابېلو ناحیو کې د ودانیزو چارو نظارت ترسره کړ.
د تخار ولایت د کور او ښار جوړولو ریاست محترم رئیس انجینر محمد حنیف عمر مختار وایي چې د تفصیلي پلان خلاف څو غیرقانوني جوړښتونه تشخیص او سمدستي یې ودانیزې چارې ودرول شوې.
د نوموړي په خبره، په اوله ناحیه کې په خپل سرپه ځانګړو وېزه شویو پروژو کې یوه پروژه د اسنادو خلاف په ساحه کې تطبیق کېده چې کار یې بند شو، همدراز په دریمه ناحیه کې د یوه حمام د غیرې قانوني جوړولومخه ونیول شوه او موضوع تخنیکي ادارو ته وسپارل شوه.
د یادولو وړ ده چې یاد نظارت د ښار د منظم پرمختګ او د غيرقانوني ودانیو د مخنیوي د دوامداره پروګرام برخه ده.
