په بلخ ولایت کې د بیلابیلو ودانیزو پروژو له چارو څارنه تر سره شوه
۱۴۴۶/۷/۷
د بلخ ولایت په مزار شریف، شولګري او بلخ ولسوالۍ کې له بیلابیلو پروژو له ودانیزو چارو څارنه تر سره شوه.
د بلخ ولایت د کور او ښار جوړولو ریاست محترم رئیس مولوي عین الدین حامد وایي، د دې ریاست د تخنیکي ټيم لخوا په مزار شریف د ترانسپورټ ریاست د مسجد شریف ودانیزې چارې، د بلخ ولسوالۍ په چهار سړک کې د تیلو د پمپ سټیشن چارې، په شولګرې ولسوالۍ کې د سړک د جغل اچونې چارې و څارل شوې.
ښاغلي مولوي حامد وویل، د دې پروژو د قراردادي شرکتونو مسؤلینو ته سپارښتنه وشوه تر څو چارې نقشې مطابق په معیاري ډول تر سره کړي.
د کور او ښار جوړولو وزارت مرکزي او ولایتي ټیمونه د پروژو له چارو څارنه کوي، تر چارې په معیار برابرې تر سره شي.
