پروان کې د ۵۰۰ کیلوولټ برښنا پروژې په اوږدو کې د مالکیت حق تثبیت چارې پای ته ورسېدې
د ښار جوړولو او ځمکو وزارت په پروان ولایت کې د برښنا ۵۰۰ کیلوولټ پروژې تطبیق په موخه د برښنا ۱۷۵ ستنو د مالکیت حق تثبیت، استملاک او بیې ایښودنې لړۍ یې په بشبړه توګه پای ته ورساوه.
له دغو شمېر ستنو څخه ۱۵۲ هغه پر دولتي ځمکو او ملکیتونو تېریږي او پاتې ۲۳ هغه هم پر شخصي ځمکو او ملکیتونو تېریږي. دغه شمېر ځایونه د سالنګ ولسوالي څخه پیل او د پروان او کابل ولایت ترمنځ په خلازايي کلي کې پای ته رسېدلې ده.
د برښنا ۵۰۰ کیلوولټ پروژې تطبیق سره کابل کې د برښنا پرچاوي پر هوارېدو سربېره، یو شمېر زیات ولایتونو ته برښنا انتقالیږي.
