هلمند کې د ترانسپورټ ریاست د تعمیر له ودانیزو چارو څارنه تر سره شوه
۱۴۴۶/۱۰/۸
د هلمند ولایت د کور او ښار جوړولو ریاست محترم رئیس مولوي شمس الله ناظم وایي، د دې ریاست د تخنیکي ټيم لخوا په لښکرګاه کې د ترانسپورټ ریاست د تعمیر ودانیزې چارې و څارل شوې.
ښاغلي مولوي ناظم وویل، د یاد تعمیر د پايو د کانکریټ اچونه تر سره شوې وه، چې له چارو یې څارنه تر سره شوه.
د نوموړي په خبره، د قراردادي شرکت مسؤلینو ته لازمې سپارښتنې وشوې، تر څو چارې د نقشې مطابق په معیار برابرې تر سره کړي.
د کور او ښار جوړولو وزارت مرکزي او ولایتي ټيمونه د ادارو په غوښتنه د پروژو له چارو څارنه کوي، تر څو چارې په معیارې برابرې تر سره شي.
